حب . او . فيس
محمد حسنى
٢٠١٩/١٢/٢٢
قالت لى بحبك.. وانا صدقت
قالت لى كمان.. انا ليك أشتقت
حلفت انها صادقه معايا
وانها حاسه بشئ جوايا
وأن كلامى مجرد حبر
وان غرامى مخلوق من صبر
وأن .. وأن ..
وأن .. وأن
كلامها حقيقى بدء يقنعنى
أنى مش أنا.... أنا بخدعنى
انا اتجننت
قالت عنى وعن أحلامى
وصفت ليا لون أيامى
ازاى أعيش انا وافى لحبيبتى
وهى تعيشنى حب .. ووفيالى
أتلخبط وأتشخبط
كلمنى تشيلنى وكلمه تحط
وكل زنبى ف لحظه أمنت
أنى أعيش فى يوم مع بنت
قصة حب
من ع الفيس
كتبت كل رسايل الحب
بشكل عتاب
قالت شايفه عنيك بالقلب
وحياتك ليا .. زى كتاب
أقرء فيه حب أتمنيته
وأبعد عنك اى عذاب
وصفت شكلى بدقه رهيبه
أتمنتها بجد حبيبه.. أنثى مريبه
مين كملك فوق أوصافى
أمتى تحبى وأمتى تجافى
امتى تكونى بجد حبيبه
وامتى تكونى صديقة فيس
أكيد تعرفنى وبتعرفنى
انها عارفنى
تاخدنى لابعد شئ فى الحب
وفجأه تقول لاء نرجع تانى
نفس الحلم من قبل حلمته
نفس الحب من قبل انا سبته
انا ليه أحتار وأشغل فكرى
مفيش غير حظرك ينهى مشاكلى
مأنا مش ناقص وهم يعيشنى
واللى حايشنى
مش قادر اجرح وانا مجروح
انا بتعامل هنا مع روح
مش عايز أنسى
مش عايز أقسى
مهما أن غاب الحب هييجى
امال مشاعرنا دى فين هتروح
طلبت صورتى الفين مره
وانا ولا مره
طلبت غرامها بكل وضوح
كل اما بعد مشاعرى بترجع
ابعد ترجع ابعد ترجع
وكل ما ترجع ترجعلى الروح
سألت قلبى ... أيه الموضوع
قلبى جوابها .. هنا الممنوع
هنا تحتارى أو تختارى
تخطي خط ما بعده رجوع
وعملتها زعله وانا المخدوع
اشوفها فى صوتى
أشوفها سكوتى
وأقرب ليها أنسها بيها
تقولى وحشنى وفائى يحشنى
وأكون محتاجها. .. أدارى دموع
توصف ليا مشاعرى حقيقه
نفس حرفها اللى بتخفيها
نفس الكلمه لكن بطريقه
تخلينى افكر مين قبليها
قالى بحبك .. وكان معانيها
صرخت فيا مشاعرى الصابره
كفايه مكابره
ما هى حبيبتك
رافضه تسيبك
مين قبليها ياقلبى رضيبك
وكدب نفسى وسمع صمتى
وشوفها حروف وانا اللى أعنيها
ايوا بحبك
ايوا بحبك لانك هى
ايو بحبك انتى وهى
ليه رجعالى تهزى ثباتى
وهو أنا كنت ف مره فلاتى
ما انتى ملكتي حبى.. وذاتى
مش محتاج انى ابعد عنك
ولا محتاج انك تقولى
انى وحشتك
وجيه فى سرى عشان تشوفينى
***
ايوا انا هي
اياك فكرت انا هونت عليا
اياك صدقتك أن انا نسياك
دا انا بهواك لحد الدمعه
منزلت.. تندى هواك
انا ابعد عنك
طاب دانا منك .. غصبآ عنك
حبك دم ومكفينى
امتى حنينى يعيش بجفاك
انا بهواك وعشان انساك
لازم أهد فى حلمى حقيتك
وهد فى حلمك اللى انا بنياه
أنت غرامى حتى فى غيبتك
صعب أنساه وانا عايش معاه
أنت أخترت البعد أكتر من مره
سيبنى اختار أنا لو مره
يأم أحبك حب حياه
يأم أحبك حب الفيس
... وداع
لحظه لا اااااا
... عملت حظر
ليست هناك تعليقات:
إرسال تعليق