الشاعر ناصرنور

الشاعر ناصرنور يكتب
قصيدة بعنوان ..زمن الغني والجاه
(شعر عامي)
ضاع الفقير في زمن الجاه
وقلوب النهارده مش زي امبارح
البركة راحت ياولداه
والفقر بقي شئ فاضح
يتباهى الغني ويقول في غناه
ماجيب القرش إلا الناصح
وينسي إن كرم من عند الله
ويقولك ناس تكره الناجح
ليه الفقير في الخير ننساه
وفي المرار شايفينه طافح
حتي النوم بيترجاه
في التفكير ديما سارح
بنقول القلوب ديما وياه
وفي العطاء ملناش صالح
ياللي بتحمد ربنا ع الجاه
ليه علي الفقير ديما شاحح
ولو حد قالك حاجه لله
ماتحرجهوش بكلام جارح
النعمه تدوم ديما برضاه
بالبر والإحسان خليك ناضح