*(هوه ليه البشر مبقاش بشر..؟؟!! )*
للشاعر /علي سيف ***
ليه الحب ضاع وانكسر
ليه الحب مات في قلوب البشر
ليه الأخ مابيرحمش اخوه...؟
أن غلط بيوم غلطه ماتغتفر.
وإن في يوم ذل قدموا
من فوق الكتاف راح نعدي وننتصر
هوه الدم بقى ميه
والخيانه بقت ميه ميه
هوه خلاص زحمه يادنيا زحمه
والقلوب ماعاد بيها رحمه.
إيه الحكايه يابشر
هوه البشر مابقاش بشر....؟
وبقينا بعالم كله حشر.
آه يادنيا من غير دراع مفرود
يضم ولادك ويعدي الحدود
آه يازمن ياابو الجناح مكسور
تقدر تقولي..... ؟؟؟
من وين جناحك يكون بيوم ممدود
وأما تسأل اللي كانوا بالحب دفيانين.
يقولك اصله راح واندثر.... راح واندثر
ياناس فين قلوبكم..؟ فين شعورك..؟
فين عقولكم اللي ميزكم بيها بشر
قالوا.... دا كان زمان وجبر.... كان زمان وجبر
دا الزمن مبقاش زي الزمن
والبشر بقى غير البشر
باعوا كل شئ باعوا حتى الوطن
باعوا ونسيوا ان الدنيا آخرتها كفن
واللي باقي فيها من غير كرامه
احسنلوا يرحل وتقومله القيامه.
فينك يابويا وجدي
فينك ياخالي انت وعمي
علمونا أن الرجوله مش عزوه وكتر مال
ولاهيه قوة... ولا هيه بكتر العيال.
الرجوله كلمه واحده لاتروح يمين أو شمال
مهما كانت ظروفنا مانطاطي لو فوق روسنا الجبال
تقدر تقولي ايه معنى مال من غير قلب يحن عالفقير
وايه معنى قوه من غير ضمير
وايه الفايدة من ولدك.....
أما يمشي في طريق الفجور
وكيف الصاحب يبقى صاحب لما تقع....
وعلى حقك يجور.
اصرخ بأعلى صوتك ياللي في آخر الطابور
يمكن عقولنا تصحى وتعرف اننا غفلانين
وإن الحب مش كلمه وبس من حرفين
ولاكلمه عملوها عشان يكتبوها بغنوتين
اصرخ ياعم وصحينا...
يمكن تصحى قلوبنا اللي ماتت من سنين
وترجع الحب اللي هجرها وما احنا داريين .
.................. اميـــ الجراح ــــر..............
ليست هناك تعليقات:
إرسال تعليق