الشاعر أيمن بلال

..... دنيا ؟ .....
في حضنك خوف
في حضنك موت
رعب ولحظة سكوت
وغنوتك بلا قافية
غناها صعب وبالعافية
نشوفك وإنتي مش شايفة
وعمر ف عمر الحزن يفوت
وشطك خطوة ويغرق
واللمة فيكي بتفرق
وحرك بالهم متعرق
ويومك طويل ما يفوت
والحلم فيكي بلا غاية
وبكرة ملناش فيه غواية
وقصتك طالت بلا نهاية
وبراحك يونس جوا حوت
ياواخدة الحلم ومسافرة
وقاتلة ف العقل 100 فكرة
ونقول حبك تقولي أنا ناكرة
ويموت النهاردة مع بكرة
وحلم ليلك نهاره موت
نحب ونقول ده ميلادنا
هل الهوي وده ميعادنا
وصرخة قهر حكمت بموتنا
وإيه يعني ما حيك حي ف موت
ويعدي العمر بأيامه وبسنينه
ويفضل ليلك مخاصم قناديله
أغنيله لحد النور ما يجيله
تطفيه بحبة ريح عليه بتفوت
ويفضل حزني في موالك
ويفضل همي ولا علي بالك
ويفضل عمري أيامه بتبقالك
لحد ليل عتمته ما نهار عليها يفوت

.....أيمن بلال