الشاعر صاوي محمد

(واخفض لهما جناح الزل من الرحمة وقل ربي ارحمهما كما ربياني صغيرا)
الجزء الرابع الاخير من : ----
**************
              رساله أب           
عدت سنه وراها سنه
ما سأل عني ولا دق عليه باب
اذا كنت عايش ولا ميت
ولا ضار بي الزمان
حسيبك للزمن ياخد ويعطي معاك
بس أفتكر إن لك أب عايش ما مات
ولا بتدعي تموته وتمشي فى خرجته وتورث تركته
أطمنك تركتي خلاص أتقسمت
وفي الورق أتسجلت وتوثقت
ومالي حفرقه على الايتام
هم أحق من الخاين الجبان
بدعي عليك ما تعرف رأسك من رجليك والفقر يحوطك وعيالك
يقسوا عليك والحزن يغطي عنيك
وكعاب رجليك بكره تقول مليت
وقلبك حيقول لك كفايه أتمليت
حررني من ظلمك وكرهك
لأبوك الي خيره عليك
تفتكر أني حزنان وندمان
ومش لاقي اشتري هدمه وقفطان
او بتسول على الرصفان
الحمد لله الخير مغطيني
والستر مدفيني وبحمده
في كل وقت وأذان
قلبك رضع الأسيه وصورتك
الي صورتها لك زمان حرقتها
وفى الهوا طيرتها مع الدخان
وجودك فى الدنيا بانيته
ومن دمي ووهبته لك وأهديته
بس يخساره الوعاء الي جابك
كان فاسدان أكلك الصبار
سقاك العسل مرار
وعيشك مع الغربان
الكلب لما تأكله عضمه بيقدرها
ويشيل جميل صاحبها طول الزمان
أياك تقرب مني ولما أموت
اوعك توصلني وتزور قبري
حتى القبر الي حدفن فيه
وصيت أهلي ما تسكن فيه
أنت فرحت بفرحك
وأنا عملت عزاك وجنازتك
خلص الكلام ومش حدعي
لك ذي زمان حدعي عليك
بالفقر والحيره وعمرك ما تكسب
ولا يهدى لك منام
ربنا وحده مطلع على القلوب
ومتوكل عليه من زمان
وبحمده وبرضاه حمدان
وأبويه وأمي دعو ليه بالرضا
في كل وقت وأذان
الله يرحمة أبويا كان
عزوتي وغطاني بالأمان
وأمي يطول عمرها
عايش بدعها ورضاها
وحالي الحمد لله راضيان
بفضل الرحمان
تمت بحمد الله ،،،،،،،،،،،،،،،
( واخفض لهما جناح الزل من الرحمة وقل ربي ارحمهما كما ربياني صغيرا )
                                بقلم الشاعر
                              صاوي محمد