الشاعر ابو قاسم ال حربي

( ام دناديش )
---------
حلوه يا ام الدناديش
دناديشج فززني
حلوه يا ام التراجي
يضون على خدودج
سودنني
حلوه يا ام شامات
شاماتج عذبني
---- سهررني
حلوه يسمره
عيون وساع بسهام
-- صابني
كمت ما اندل هذني
لو هذني
الجدايل ليل ظلمه
غووشت عيني
حلوه جم ورده
على الصدر
شدهن بالي وتيهني
كلج ملاحه
طول شحلاته
نبع صفصاف
خيزان ورد جوري
نرجسه بعيني
ماشببعني
لا همسج
ولاسمر ليلي
توسدت ردني
فزيت الكمر غاب
وخاب ضني
ما اجيت
ولا طروشك لفني
مقفله البيبان 
انا ما ادك باب
ولا اغث اليودني
همساتك ادندن باذني
اسمعها اغاني
جنت اغنيها الك ظني
تظل وياي
حت لو كبر سني
اغتاض ويهد حيلي
كلب واحد وخذته وياك
وما اظن يردلي
-------
بقلمي ---- ابو قاسم ال حربي