الشاعرة راوية حسن

امى من بعدك الكون فاضى
ربى بحكمك انا راضى
ياامى ياريحة الجنه
من يوم فراقك مااتهنى
الكل ماشى وعادى
وانا من غيرك بتمنى
انك تكونى سمعانى
وحاسه بيه وشيفانى
ومين غيرك انتى ياأمى
يطبطب عليا ويحضنى
ويمسح حزنى ويشيل همى
من بعدك زادت احزانى
ده بعدك هو اللى خلانى
مش قادره ادوق طعم الفرحه
ودى فرحتى كمان سيبانى
وهو فى زى حنانك
دى حياتى من بعد غيابك
بقا لونها غامق وحياتك
ومن بعدك امى انا بعانى
وداقت الدنيا عليا
ولاحد حاسس ايه بيا
مهما حصل لى وجرالى
ورجعت احزانى من تانى
انتى اللى كنتى بتودى
واسال عليكى وبتردى
من يوم فراقك توهت خلاص
والدنيا مابقتش بتدى
اروح لمين انا واشكيله
اللى جوايا وانا احكيله
وماعادش حد فى حنانك
هو يروح لى وانا اجيله
الدنيا فضيت يامايا
ولاعدش فى حد معايا
راحت خلاص كل ايامك
وكنتى فرحتى وهنايا
خلاص بقيت انا الوحدى
وأنتى قدرتى على بعدى
انا عارفه انه مش ذنبك
ولاحتى انه كان ذنبى
===============
راوية حسن
،