بماذا تنصح هذه السيده ؟؟
سجل رأيك .... تكرموا
،،،،،،،،،،،،،،،،،،،،،،،،،،،،،،،،،،
رساله شاعره
سألتها ليه محاولتيش
تنقذي الجواز
قبل ما تطلقي؟
قالتلي :
هو أنت فاكر أن الطلاق
هو الاثبات عند المأذون؟
الطلاق بيحصل
نفسيا قبلها بكتير
في كل مره أحتجت
فيها يطبطب عليه
سابني او عمل
نفسه مشغول
في كل مره حكيتله على
اللي واجعني كان بيستهزأ
ويقلل بقيمتي ويثور
في كل مره كنت بتمنى يبقى
رومانسي معايا ولو للحظات
ويحسسني اني امرأه
لها روح وشعور
في كل مرة كنت بشوف نظرته
وكلامه لامرأه تانيه وأنا
بشحت حبه ومودته
في كل مره خذلني
ومأخدليش حقي
من ناس أساؤوا ليه
نزل من نظري كراجل
وبقيت أنا الضحيه
في كل مره كنت
بعيط لما بشوف
اتنين بيحبوا بعض
وجوايا الغيره
ملياني لأني نفسي
أعيش لحظات حب ذيهم
وأسجن الاحساس المقتول
في كل مره كنت
بحس بوحده قاسيه
حتى وانا نايمه دمعتي
ما تفارق عنيه
فى كل مرة اتأكدت
نبض قلبه لوحدة تانيه
في كل مره حسسني فيها
اني نص امرأه ومش انثى
وكفايه عليه شايل مصروف البيت
اما حياته الشخصيه هو حر فيها
وأحمد ربنا عليها.
في كل مره كان يحاسبنى على
أى تقصير أو مصروف زياده
كأني خدامه وما ليه كيان ووجود
في كل مره واعدني فيها انه
هايبقى سند حقيقي وطلعت
مسنوده على حيطه مايله
خدتني ووقعت بيه
وجناحي مكسور
فى كل مرة بطلب الطلاق
وهو يقول مينفعش
الاولاد يتربوا بعيد
عن العيون !!
الشرع بيقول ٣ طلقات وبعدها
مفيش رجوع وأنا أطلقت
منه ١٠٠ مره عيشتي معاه
كانت جروح وحرام بشروع
قلبي مليان جروح
واقول لك الوداع ياطير
أبيض ذييه مجروح
ربنا يسعدك
ولا أنك تئاسي مع روح
ماتت أضناها العذاب والقروح
✋💔💔✋
الشاعر
صاوي محمد
ليست هناك تعليقات:
إرسال تعليق