قابلنى
قابلنى ولاكان على بالى
خطف قلبى منى وتهت ف أحلامى
جت عينى ف عنيه نسيت نفسى ..
نسيت روحى لما كلمنى ..
سألنى ف كلمتين اتنين ..
بابتسامة وعيون حلوين هايمين ..
رديت وكمان اتمنيت أعيش ف عنيه
وأتوه ف حنين ....
وف طريقنا وهو جنبى فضلت أدور
على الكلام أقوله منين ...
راح منى الكلام ف غمضة عين ....
كان نفسى أعيش من زمان اللحظة ..
وأعيش العمر فيها أيام وسنين بلهفة .
وكل مايغلبنى شوقى اليه ...
وكل مايهمس لى قلبى وروحى تنده عليه .
ألتفت اليه وأشوفه ألاقى عنيه ف عيونه .
مرة تهرب عنينا ومرة تتقابل وتشهد علينا .
وطول ماالوقت يعدى ..
أخاف أرجع تانى لوحدى ...
واتمنيت الوقت يطول ولايعدى ....
يمكن ألاقى الكلام وقلبى يقول كل المخبى .
كنت عايز افضل معاه ..
أعيش العمر ف هواه ...
وف آخر الطريق سألنى تووهنى ...
حير فكرى منى ..
حسيت انه مش عايز يفارقنى ...
وافترقنا ورجعت تانى لوحدى ....
رجعت والفكر شارد منى ..
ولقيت الدمع ف عيونى ... وافترقنا
كلمات / عادل ياقوت
ليست هناك تعليقات:
إرسال تعليق