الشاعر فهمى محمود حجازى

حبيبتى بهية
هى دى مصر حبيبتي بهيه
هى حبيبتي وضي عنيه
أرض قويه وشمس عافيه
ونيلها الأزرق مليان ميه
وادي فارعين دمياط ورشيد أغلى هديه
رب الكون أهداها لبهية
واحنا تركنا الأرض وخيرها للحراميه
حولوا أرض الوطن الخضره للأبنيه
شوفتوا خضرها لما يطولها الفاس والميه
ولاجملها وجمال نيلها ساعة عصريه
هى دي مصر أحلى صبيه
بس نصونها ونصون خيرها تبقى حورية
هى دي مصر حبيبتي بهيه
بقلمى فهمى محمود حجازى