بقلم الشاعر السيد محمد عيسي
مش هتفرق
مات في ايه ولاحتى ازاي وليه
مش هتفرق
حجات كتير اصله كان انسان فقير
مش هتفرق
حد شافه اصله كان عامل اوغفير
كان بيهم وبجري لجل يلحق موعد خطيير
عاوز يوصل لشغله مهتم وغيره مستهتر وشرير
أصله كان رب اسره وعنده اولاد وحمله كبيير
غابت شمس يومهم والدمع العزيز غزير
وهيه كانت صاحيه بدري رايحه تسعى لأكل عيشها
مش حاسبه شئ ولاعامله فاكره ولاحتى ناسيه
كانت بتحلم تسد قسط اوفاتوره من اللي عليها
او تساعد غيرها مره او تفرح طفله وأبوها
غابت شمس يومهم والدار بتبكي وحزينه
غابت عنهم أحلى فرحه ما هيه الأم وهيه الأمينه
الله يطيب قلوب سكنها الوجع وعايشه صدمه بسَكينه
وصاحبنا كان رايح كليته عاوز يلحق محاضره مهمه
استاذه قاله السنادي صعبه وعاوزه تركيز ويا همه
شد حيله وجاب كتابه وقال ناويها وعصبها بعمه
واهله جادوا بكل مالهم وقالوا انت حلم ويا ذمه
و مات صاحبنا ودمعت عينينا والفرحه امست بغمه
الله يصبر قلوبنا ياصاحبي ماهى نقصت اللمه
ويصبر قلوبنا على كل غالي راح ضحيه
واجمعنا بيهم يارب في الجنه والأخره البقيه
ليست هناك تعليقات:
إرسال تعليق