💗💗سامحيني💗💗
قبل ما اقولك وحشتيني
ألاقيكي سابقة وبتسأليني
ها يا بنتي طمنيني
عن صحتك وعن العيال
حودة وميادة ومنار
وحمادة واحشني
وغيابه طال
وجوزك الله يباركلك فيه
ويا رب يكون في احسن حال
الهي يرضى عنك ويراضيكي
ويحبب يا بنتي خلقه فيكي
.........
........
امي حبيبتي يا نن عيني
عن احوالك طمنيني
والله يا روح قلبي وحشتيني
عارفة ياأمي لما بشوفك
واخدك في حضني
وأبوس كفوفك
مش عارفة ليه يا كل عمري
بلاقي دموعي بتداري عيني
فاسامحيني
لو لحظة عدت من غير ما تشوفك عيوني
سامحيني
لو فرحة جاتني وما قسمتهاش بينك وبيني
سامحيني
دا مافيش في ايدي والله يامّا
غير لما بسجد بدعيه بحرقة
ياخد من عمري ويضيف لعمرك
ويا ريت يكفي يا ضي عيني
#صباح حمدي
ليست هناك تعليقات:
إرسال تعليق