إحكى ياربابه
عبدالمنعم عدلى..مصر
إحكى ياربابه
وعرفينا غبت
وطال غيابك ليه
أول كلامى
أصل وأسلم
على نبى الرحمة
سيدنا محمد
صل الله عليه وسلم
وتانى كلامى
أشد الوتر
والحرقة فى قلبى
ونار الكلام والعة
ومن أول الحكايه
هحكى وأقول
ليه الكلام معسول
فى الوجوه
وأصله كدب
وملهوش أصول
ياعين عليك ياربابه
عندما العود ينزف
ويعنى بدموع الوجع
ليه بتجرحوا الناس
وعاملين أنفسكم ناس
يخسارة على ناس
راحت على القضبان
ياحسرة قلب الربابه
على ناس
ملهمش فى أصول الكلام
تخاريف من
أساطير الكلام
هو إنتم نسبتوا زمان
عندما كنا فى الميدان
قناص وموقعة جمل
وخطف بنات وصبيان
ليه بننسى بسرعة
ليه مايكونش زمان
وشاح على الصدر
يخسارة ياإنسان
أقصد اللى كان إنسان
أما معسول الكلام
فلاهو إنسان
ولاشرب من
ماء الحياة
مأجور ومش
من بنى الإنسان
يشوه سمعة
ناس وبلد كمان
وكله مدفوع الأتمان
يخسارة على وتر الربابه
عندما ينقطع
من كثرة البكاءوالنواح
بقلمى عبدالمنعم عدلى
�� مجلة ملوك الحرف الإلكترونية ،، أدبية ،، ثقافية ،، شعرية ��
ليست هناك تعليقات:
إرسال تعليق