الشاعر محمد البريمى

الهوى غدار ..
قالوا الهوى غدار .. إبعد عن سكته ..

دا كله عذاب و مرار .. أنا قلت أجربه ..

إن لقيت حظى معاه .. راح  هكمل المشوار ..

و إن لقيته صعب عليا .. هعلن الإعتذار ..

        قالوا الهوى غدار ..

قالوا الهوى مش ليك .. و التيار عالى عليك ..

و إنت حياتك مش ملكك .. صعب يكونلك شريك ..

مشوار الحب طويل .. مش هتقدر عليه ..

أنا قلت عشان حبيبى .. هكمل و أمشى فيه ..

         قالوا الهوى غدار ..

قالوا الهوى بيميل .. و يروح للسهرانين ..

و إنت  هواك على قدك .. منتش قد العاشقين ..

أنا قلت يمكن الهوى .. مسيره يجى ليا ..

بس لسى ما جاش .. الدور عليا ..

          قالوا الهوى غدار ..

قالوا الهوى جارح .. و ياما جرح  قلوب ..

و إنت قلبك حساس .. من أقل حاجه بيدوب ..

أنا قلت طاب ومالوا .. ما يهمنيش ..

هتحمل برضه عذابه .. و إن كان ده ما يرضنيش ..

          قالوا الهوى غدار ..

بقلم .. أمير الشعراء ..
محمد البريمى ..