الشاعرة راوية حسن

انت فين ده القلب حبك
حتى شوف من نظرتين
نظره يوم ماجيت تقولى
انتى فين وروحتى فين
اما التانيه قلبى شالها
بعد ماشافك بثانيتين
انت فين طمن لى قلبى
وعينى مانامت من يومين
انت فين بدلت حالى
خلتنى مش عارفه مين
انت فين جاوب وقولى
كان فى قلبى دقتين
راحوا فين معاك ياخلى
رجعلى قلبى المسكين
راح معاك ماعاد فاضلى
غير السهر ودموع العين
انت فين ارحم عذابى
وخد بايدى خليك معين
ماترجع لى راحة بالى
اللى خلصت من سنين
خدتها معاك وسبت
قلب وراك مجروح حزين
بص مره وقول ندمت
انك تروح ولاتقولى فين
انت فين ارجع لعشك
اللى فاضى من سنين
مستنيك تقول وحشتك
عايزه اسمعها واقول امين
انت فين يانجم عالى
فى السما ومعاك قمرين
انت فين ريح لى بالى
وقولى امتى وجاى فين
********************
بقلمى/راوية حسن