بصيت انا للسما
وشوفت انا هلالك
مبروك علينا السنه
الله على جمالك
بتيجى بفرحه ونور
وتهل على احبابك
انت يازينة الشهور
والكل فى رحابك
يدعى ويكون مسرور
ماهى اصل ايامك
بتجى بفرحه ونور
بيملى اركانك
والخير بيملى الكون
كريم انا جيالك
يارب تم علينا
ده شهر رمضانك
نصلى فيه ونصوم
ونقوم لاسحارك
شهر العباده فيه
اضعاف فى حسابك
تواشيح ودعا م القلب
ونرتل قرأنك
الله على شهر الصوم
ده شهر مبارك
يارب بارك لينا
وفى كل ايامك
انا قلبى نفسه يطوف
ويقف على عتابك
ويزور بيت الله
والنبى انا دعيالك
واشوف حبيب الله
ده انا مشتاقالك
نفسى اطفى الشوق
واكون فى رحابك
واركع واسجد واطوف
ويقولولى هنيالك
انا نفسى اختم كلامى
بصلاتى على حبيبك
قولوا معايا امين
الله يكتبهالك
"""""""""""""""""''"'''''''""""""
بقلمى/راوية حسن
�� مجلة ملوك الحرف الإلكترونية ،، أدبية ،، ثقافية ،، شعرية ��
ليست هناك تعليقات:
إرسال تعليق