الشاعرة آمل عسكر

دائما افتكرنى .
اوعى في يوم تقول دي كانت حبيبتي .
قول دي حبيبتي وهتفضل حبيبتي لاخر يوم بعمري .
افتكر لما قلبي دق وسمعت بين دقاته حروف اسمك .
افتكر لسانك وهو بينطق الكلمه اللي لسه حالا على لساني .
افتكر الأرض اللي كتير ضاعت وملقنهاش بلحظات عشق كنا فيها فوق السحاب متنسهاش .
عارف يعنى ايه طبيب جرحي . لمسة ايديك . نظرة عنيك . حضن قلبك .
ده الطريق اللي مشناه كان حبنا زهور ليه ومزيناه .
نفس المكان اللي كان قبلك وجع . هو المكان اللي بيك ضيه سطع بضي قلبك.
اوعى تنسي نُص روحك اللي دائما حواليك حارسه ومطيبه جروحك .
دي لمسة ايديك بس لايديا . قالتلي ألف مره بحبك يا نور عينيه .
افتكر قلبي اللي بين ضلوعك عاش يقلك كتير خد بالك عليه .
وبنظرة عينيه كتير حكتلك عشقي ليك ازاي انت كل الدنيا .
خليك فاكرني .
وهناك روحي هتفضل مستنياك ومحوطاك ولا هتفرقك ثانيه .
اصلك نصيبي وبجنتي هكون ليك حوريه .
خليك فاكرني وما تنساش ان حبي ليك كان اجمل هديه .
خليك فاكرني .
آمل عسكر