الشاعرة أمينه عبده

شنطه سفر
يعنى خلاص رتبتها
لميت كل الحاجات ولا نسيت
اوعى تنسى عمر مر من هنا
وياها ايام كانت الضحكه صوتها بيعلي في الفضا
ومعاها شويه دموع علي اهات من الوجع
اوعى تنسي صورتى وملامحى
في ركن هنا في الشنطه شويه ذكريات
دول بتوعى انا
حافظ عليهم هيكون ذادك هناك
لما الحنين يداعب قلبك بعيد
ومعاه دموع الشوق تغلبك
طلع شريط الذكريات
دى صوره ركن الهوا والغرام
ودي من ملامحى اخدت من عمرى سنين
وده شعر شاب من البكا والانين
وهبعتلك صوره فيها علامات السنين
وانت ياريت متنساش
تبعتلي عملت فيك ايه السنين
ولا اقولك الحنين
يالا بسرعه خبي وياهم امالى
واحلامى وانك ساكن ايامى
ياريت تكون عرفت ترتب شنطه سفر
بس سيب لي مفتاحها معايا
يمكن تعود ...
بقلمى ..
أمينه عبده