حبيبي لازم تعترف
...........................
معرفش اكتّْر في الكلام
معرفش ازيف الاهتمام
حبيبي بلاش الجنان
لازم بحبي تعترف
أنا بحبك دا شئ أكيد
حبيبي بلاش تكون عنيد
بلاش ترميني بالتهم
ما قولتلكش حبني
ولا بحضني تعال اترمي
خليك في حالك وأبعد بعيد
لا بالتهديد ولا بالوعيد
أنا بحبك دا شئ أكيد
حبيبي لازم تعترف
إني بحبك وبعشقك
ومها قولت بصدقك
غير أن حبي ليك خيال
مش عاوزك تبادلني الغرام
ولا حتي منك عاوز وصال
عاوزك تسيبني أعشقك
دا عشقي ليك ما يتوصف
ولا يتكتب بميت كتاب
لا هو تجني ولا أتهام
ولا هو تلقيح جتت
دا حب صادق بالتمام
فيه ألف معني للغرام
فيه قلبي متقطع حتت
ياريت تشلني من دماغك
ولا تنشغل بمحبتي
مهما عملت برضو هحبك
لو حتي كرهت دنيتي
لا يوم هيجي فيه أكرهك
ولا يوم هيجي أقول وداع
هفضل أحبك بإنصياع
حتي اودع دنيتي
وفي الأخره هنصبلك محكمه
وفى ساحة العدل هقول
أنا ليا عندك مظلمه
وهحتكم فيك الإله وهكون
خصيمك بألف أه
ياتعترف يا رب العباد فيك
يصطفل
ويومها هتكون مدان وتبوح
بذنبك وتعترف
وتلاقي أصناف العذاب ليها
ياروحي تنصرف
ساعتها هطلب من الإله بمكانك
أنا اتبدل
مقدرش أسيبك للعذاب مقدرش
اسيبك تنشوى
أتحمل عنك العذاب قلبي فداك
لو ينكوي
وفي جنة الخلد تعيش ملاك
وتكون سعيد ذي العباد
وهو دا اللي يهمني
خليني أحبك من بعيد بلاش
تكون بتحبني
دا حبي ليك من نوع فريد
عنه لا يمكن أنصرف
بقلمي سليم الغنام
ليست هناك تعليقات:
إرسال تعليق