الشاعر شرف الدين فاروق أحمد

أنا مش تافهه
أنا مش هايفه أنا....مش تافهه
أنا إللي زمان كان..قلبك شافها
أنا اللي كنت.........بتشتاق ليها
وياما........عشقت سحر عينيها
وجيت سلمت............قلبك ليها
وبتحلم إنك تعرفها
إيه دلوقتي أتغير.......فيا
علشان تيجي تستهتر بيا
كنت زمان تتمني...رضاية
كنت زمان كلك.........حِنِيِّة
.........
ليه دلوقتي رافض.....تسمعني
لما اشكيلك م اللي.......تاعبني
هو أنا جيت علي نفسي يعني
لما وثقت إن إنت...... حاببني
أنا لوكنت معاك راح.....أكمل
وألَّا إن كنت في يوم بَتّحَمِل
علشان بس إن أنا....صدقتك
لما قابلتك............أنا م الأول
ماكنتش أعرف إللي حبيتها
             هاتبدي أسفها
إيه دلوقتي إتغَيَّر.......فيا
علشان تيجي تستهتر بيا
كنت زمان تتمني...رضاية
كنت زمان كلك.........حِنِيِّة
وأنا مش تافهه
......
لما بغيب عنك أوقات
        بتستناني ساعات وساعات
وأما تشوفني عيونك تضحك
        وبتحكي ع الشوق حكايات
ليه من بعد................ماأسلم ليك
وجيت صدقت الشوق في عنيك
وأما لمست...................ثقتي فيك
غَيَّرت مشاعرك..............إيه وَقَّفها
إيه دلوقتي إتغَيَّر......فيا
علشان تيجي تستهتر بيا
كنت زمان تتمني...رضاية
كنت زمان كلك.........حِنِيِّة
              أنا مش تافهه
لما انت أناني وحابب نفسك
     ياللي ماهمك شيء غير نفسك
ليه بتيِّن قلب حنيِّن
          وإنت حقيقتك لأ مش هَيِّن
ليه غشتني وانت مشاعرك
              ليه مُختَلِفة
إيه دلوقتي إتغير........فيا
علشان تيجي تستهتر بيا
كنت زمان تتمني...رضاية
كنت زمان كلك.........حِنِيِّة
الشاعر/شرف الدين فاروق أحمد