ما بلاش نتوه
بين كلمة كانت طيبة
تشفي الوجع و ترد روح
و حروف كتيرة ملخبطة
طارحة الأنين ٠٠ قسوة و جروح
و بلاش نعيش الوهم على حرف الأمل
و نقول دا بوح
خلو الحقايق كلها تاخد مكانها ف الحياة
الصبح نور و الضلمة سور جايز مداري الف آه
انا و انت نعشق بعضنا و و الحلم يبقى عرفنا
ممكن
يجوز
طب لما نبقى مربوطين بظروف كتير من غير عدد
ازاي نعوز
دا المستحيل لو يوم يميل
على شط بحر المحتمل
بيكون عذاب
او بالقليل بيعدي ف دروب الشكوك
فيكون سراب
فبلاش نقول لو كان و كان
و بلاش كمان
شماعة الخوف العفي
تبقى الزمان
#فهمي_علي
�� مجلة ملوك الحرف الإلكترونية ،، أدبية ،، ثقافية ،، شعرية ��
ليست هناك تعليقات:
إرسال تعليق