شوفتى
ياللى مليتى الأسية
وشوفتى إنى بكون عنيد
وان حبك هان عليا
وإني ماسكك من حديد
شوفتى خوفى عليكى غيا
........................ ........
وشوفتى فيا حد قاسي مش حنين
وكنتى شايفة قسوتى كأنى شايل بندقية
بس شوفتى حبى ليكى كان مبين
وشوفتى لما بغير عليكى بغير عليا
...................... .......
أنا اللى من جوايا بتمنالك كل خير
كنت جايلك جوا قلبى حب كل الدنيا ديا
شوفتى إيه منى غلط ؟
شوفتى حب كبير شوية ؟
.................... ........
إهتمامى بيكى شوفتيه كان عبط
بس عزفه زى عزف السمسمية
قولتى إنك حبيتينى حب عمره ما اتولد
ياما قولتي دا انت روحي ونور عينية
.................. .........
قولتي هتعيشي معايا للأبد
وإن عشقك بتعيشيه بلمسة إيديا
قولتلك يومها إنى ضهرك والسند
وفى النهاية تطلعى بتتسلى بيا
شوفتى
بقلمى / محمد الطيب
�� مجلة ملوك الحرف الإلكترونية ،، أدبية ،، ثقافية ،، شعرية ��
ليست هناك تعليقات:
إرسال تعليق