الخوف .. خاطرة
الخوف .. سكوت .. مدينة
صمت المساجد والآذان
الخوف .. فى الوشوش
المستخبية ورا الحيطان
الخوف .. فى الكلام المغشوش
فى عقدة اللسان
الخوف .. لما تلاقى الغبى
راكب على ضهر جبان
الخوف .. لما تلاقى قلبك
مرمى على الطريق
وتلاقى حلمك طافح
على الشط زى الغريق
الخوف .. لما تلاقى حقك ضايع
ودافن راسك فى الطين
الخوف .. لو تبيع مبادئك
زى ما باع عواد
الطين .. بالصبيه
مجدى متولى إبراهيم
ليست هناك تعليقات:
إرسال تعليق