...
#انا محبوس
جني علاء الدين اتحرر
وحبس عقلي جوة جهاز
سقاني سحر بطعم التطور
والأكل شاط علي البوتاجاز
نساني الصحبة واللمة
وقصصنا الحلوة
وكان ياما كان
عمل من البحر طحينة
كتب عليه سهل الإنجاز
دخلت البحر برجلية
لقيت عقول فارغة وتافهة
وعقول كتلة استفزاز
وعقول بتحب
وعقول عاشقة
وعقول داخلة
تقول يا جواز
وعقول غاوية تتسلي
عايزة السلخ وحرق بجاز
وعقول عاملة نفسها فاهمة
متنشية جوة برواز
الجهاز عمال يتطور
خلانا مسخ شبه الإنسان
لعنة بأيدينا حلت
سلبت عقولنا بامتياز
....
ياسمين رؤوف
ليست هناك تعليقات:
إرسال تعليق