"""""""""" ولد الغلابة """""""""
قبل رمضان جاني جواب
بيكلفوني بأعمال الإمتحان
وبيلزموني بالنزاهة و الشرف
مهمة رخمة و الدنيا سايحة ،
الصح مخلوط بالغلط ، مكتب
مكيف و موظفة عايشة الترف
مفيش عدالة و الرحمة ماتت ،
داسوا الكرامة خلوووونا
عايشين حالة قرف
فيه ناس كتييير مش عايزه
الجواب و ناس كتييير عايزه
الجواب العقل بيقول اعمل بدل
واحد هنا و التاني هناك و أريح
الكل من غير هبل
لكن تعنت ، منفضين ، مكبرين ،
رافعين شعار ريح بالك و سد
ودانك و النتيجة خيبة أمل
سامع موظفة بتصرخ تقول
لما مراتك تموت هنقبل عذرها
و هنقول كمان عنك بطل
الحكاية واحد مراته بتعاني
المرض و الدكاترة محددين
معاد للجراحة و علاج المرض
جوزها قلهم ليا طلب خدوني
مكانها اقوم بدورها ، نفس
الوظيفة و أوفي الغرض
صرخت في وشه , ما هي
واقفة حلوة و زي الجمل و
مفيش للموت اي عرض
امشوا يلا من هنا ، مش
ناقصين مناهدة و تعب ،
مفيش بدل ، انا مبعترفش
بالمرض
و انا ابني مريض و كنت
رايح لنفس السبب كان ردها
مستحيل الا لو كنت في كفن
في الجواب ادوني دور في
مسرحية " مستقبل ولادنا
مستقبل وطن "
مكتوب لازم تروح و ممنوع
المرض ، العذر الوحيد انك
تموت و تطلع منك ريحة عفن
مفيش حاجة اتغيرت ، الدنيا
رافعه شعار بالخطوة السريعة
للأمام و احنا بنرجع في الزمن
مسرحية كلها كذب و خداع ،
النهاردة بنزرع الشوك و بكرة
نحصد و ندفع التمن
بيقولوا العلام عندنا زي اليابان
و يمكن احسن من اليابان و
الحقيقة محصّلش العلام في
اليمن
و بطل المسرحية ابن الظروف
طالب واخد كتاب و بدل القلم
سنجة و سلاح
كتاب يغش منه و سلاح يهدد
مدرس كان في التاريخ رمز الكفاح
الوكسة باينة في كل خطوة و في
كل شبر ألف نكسة و مفيش فلاح
لازم نعالج و بشكل صح ، لازم
نواجه المشكلة من غير هروب لو
احنا عايزين النجاح
المدرس يعني إحترام يعني
التوازن في الميزان و لو في
يوم صابه الهوان
البلطجة هتكون قانون هيعاني
منها كل بيت و الشجر يطرح
جراح و الفوضى هتعم المكان
الشر هيكون زي الأسد ، الخير
ضعيف زي الحمل ، الشر فارق و
غالب في الميزان
تفتكر اللي واخد كتاب و بدل
القلم سنجة و سلاح هيبني
مستقبل وطن و لا هيكون فات
الأوان
الشاعر.... السيد محمود
الثلاثاء
14 / 5 / 2019
ليست هناك تعليقات:
إرسال تعليق