عامية مصرية
عنوانها
عايش
كفاياك جنون
وعيش ع الارض زينا
وبطَّل تِهيم وسط السحاب
خايفين عليك من السقوط
خايفين تنزل في هواها اكتر
بعدين تموت
كام واحد قبل منك
عاش سنه إتنين تلاته
وقلبه كل يوم
عمّال يدوب
ويقولو حالك كل يوم
بيتغير ...
خاسس وحالتك بالبلا
وقلبك اللي كان
عوده أخضر دبل
لا مية ترويه ترجعه
ولا أيد حنينة تمسح دمعتك
ولا أي شىء راح ينفعك
انزل
انزل وعيش زينا
وانسي قلبك
انسي وهمك
وانسي إنك كنت يوم
بكلمه منها
تفرد جناحك للسما
الكل خايف عليك
حتي اللي وهم الحب ضيعه
لو شافك
ولا سمع بحالك
صدقني
راح يموت عليك م البكا
افهم
افهم
وصالك خلاص إنتهى
ومن زمان إنقطع
لا قلبك بقى حِملْ خيالك
ولا حتي قادر يتحمله
ولا هتقدر ترجع شىء انقطع
بتقول يمكن!
يمكن؟!
_ترجع تفتكر
مين اللي كان وقت اللقا
كأنه عصفور لسه يادوب
بتعلم يطير
ويفرد جناحه للسما
يمكن؟
_ يمكن..
قلبها في يوم يحن
_ يمكن..
الشوق لما دبل منها ترجع
أو مره تسأل
أو ...
أو تِحن 😢
ياابنى ...
ياابني فوق
يا ابني فُوق
وضِى قلبك بقى وتوب
ده اللي فارق يوم براحته
مستحيل أبداً
يعود.
يوسف وليد
ليست هناك تعليقات:
إرسال تعليق