راهنت عليك
...........
راهنت عليك طلعت مفيش
ومضطر إن قلبي يعيش
يداوي الباقى من جرحك
قالولى عليك كتير حكايات
وإنك حد قلبك مات
وجرح قلوب يزيد فرحك
كابرت وقولت فيك ساكن
وصدقتك كتير لكن
أتارى الكل كان فاهمك
خاصمت الكل علشانك
وقلبي عشان شاريك صانك
ومت بطعنة من سهمك
فارقتك بس فيا جروح
بلملمها بطلعة روح
وصعبان حالي ع المخاليق
بقيت عايش على الماضى
وضلي فارقني مش راضى
يكمل جمب مني طريق
............
بقلمى/على الملاح
.....A.....S.....
#ابن_الملاح
ليست هناك تعليقات:
إرسال تعليق