الشاعر ماهر محمود

.دنيا الوجع.
أه يادنيا الوجع
كل ما فيكي .
تعب ومشقه.
وخوف وهلع.
بندور نلف
في سواقيك.
حبه تخدينا لفوق.
وحبه نشوف البدع.
ساعة ما تدينا
الكل فيكي جدع.
ولما بتيجي علينا.
اقرب ما لينا
بيزيد في قلوبنا الوجع.
اه يا دنيا.
ببكي بدل الدمع دم
اشكي ظلم الناس
ولا ماعدش يهم.
وايه يفيد العتاب.
في ناس عاشقه الظلم.
اه يا دنيا.
وهبنا ياما وادينا.
كل اللي كان في ايدينا.
بالحب ياما روينا
كل اللي كان حولينا.
ولما جت علينا
الكل لينا نسينا
اتارينا كنا ليهم
غنيمة وفيها الطمع.
اه يا دنيا الوجع.
اغنيه كلمات ماهر محمود.