الشاعر بسيوني صديق

القراداتي والمنافق
**************
قراداتي أنا القراداتي
وبحب ألاعب القرود
مهنتي ولعبتي
وفي كل مكان موجود
بفرح الصبيان الحلوة
والبنات الأمورة
وكمان الرجالة
ومعاهم الستات
زمن صعب
لابد فيه النسيان
ونعيش في التوهان
علي فكرة
مش بهطرس
ولا بخرف
بتكلم في المليان
**************
قراداتي أنا القراداتي
وبحب ألاعب القرود
مهنتي ولعبتي
وفي كل مكان موجود
أما المنافق إخص عليه
مش شكل القراداتي
ده بكذا وش
شكله حلنجاتي
إتفرج عليا
قرداتي غلبان
.واحكم عليه
وشوف الفرق
بيني وبينه إيه
هتلاقيني مستور
بأكل لقمه حلال
وهتلاقيه مغرور
بيلعب ع الحبال
************
قراداتي أنا القراداتي
وبحب ألاعب القرود
مهنتي ولعبتي
وفي كل مكان موجود
قراداتي  بسيط علي نياتي
أما المنافق غشاش
بكاش في حياته
القراداتي الله يعينه
بيخاف من ربه
والمنافق الله يشيله
مافيش حد يهمه
القراداتي أجمل فنان
المنافق حيه وتعبان
مش الوصف ده مظبوط
ولا كلام فاضي ومغلوط
قراداتي أنا القراداتي
وبحب ألاعب القرود
***************
بسيوني صديق