الشاعرة راوية حسن

القناع
#######
لما بنشيل القناع بيظهر لينا
الف وش ووش
تعالى نقول الصراحه
وكفايه علينا غش
زمان كنا نقول
فلان ده بوشين
والله وحشنا زمان
من كتر اللى بالف وش
ليه تعمل فيها بريئ
وانت بتتغير بالف لون
خليك مرة واحدة جريئ
وتثبت بقى على لون
ايه فايدة انك كسبان مال
وبتخسر نفسك وبتغش
وبترضى نفسك وشيطانك
وبتغضب ربك وماتعش
حتقابله بكره بأعمالك
وساعتها مافيش غير وش
لاقناع ولا لون تانى
يداريك وتخبى الوش
دى لحظة صدق فى ميزانك
تنجيك من نار حتخش
وتطب ساعتها حسناتك
فى ميزانك وكمان ماتطيش
ياريت تحسب حساباتك
قبل ماتقابل ربك وماتغش
لانه عالم اسرارك
وعنه عمرك ماداريتش
لو تكدب على كل العالم
على ربك اكيد ماتقدرش
=================
راوية حسن