أرد اگلچ.. مااصدگچ
ولو أحب.. اكبر ذنب
أنتِ حلوة.. هواية حلوة
حلوة معجونة بچذب
دروبنة تون وادري بيها
شوگ للملگة چهب
روحي الله وياچ ماني
ناقص گليبي ندب
الذهب لو بالتراب يطيح
هم يبقى ذهب
لا تخافين أنا اگومن
عبيد لا ما يخترب
ولاتگليلي أحبك
هذا مو حب لا لعب
گلبي ليهسه بمكانه
وأبد لا مو منسلب
الحديد يلين صدگي
صدگي من كثر الضرب
هذا هو الصار بيه
بين ناسي ومغترب
ذنبي كل الناس أحبه
يغفر الله هلذنب
#عبيدالنصراوي
2019 /4 /23
معاني بعض الكلمات
ارد اگلج / أريد أن أخبرك.....
ما اصدگچ/لا أصدقك
بچذب /بكذب
دروبنا تون / دروبنا تأن
وأدري بيها /اعرف بها
شوگ للملگة /شوق للقاء
چهب / بسرعه.. نظرة سريعة
الله وياچ ماني / الله معك انا لستُ
گليبي /تصغير لقلبي
يطيح /يسقط
أنا اگومن / انا أقف
مايخترب / لن يتأثر
ولاتگليلي /لاتقولي لي
صدگي /صدقي
الصار بيه /الذي حصل معي
ليست هناك تعليقات:
إرسال تعليق