عمرو تمساح ابوسفيان
سامحينى
*******
الذوق دا ليكى طبع
مش فبركه وتمثيل
مهما اقول ف الوصف
مش هوفى ليكى جميل
يام اﻻيدين مفروده
ديما بكل الخير
من مصغرى وانتى
تراعى نهار وليل
حطانى جوه عيونك
وحبك دا مالوا مثيل
بالرغم من تقصيرى
بتستحملينى كتير
يا ما سهرتى عشانى
وكنتى الدوا لاحزانى
عمرك ماشكيتى منى
وانا مش محتاج دليل
وزرعتى جوه منى
الخير وحب الغير
يا امايا سامحينى
وف حضنك ارمينى
علشان خاطر ربنا
برضاكى يرضينى
*********
عمرو تمساح ابوسفيان
�� مجلة ملوك الحرف الإلكترونية ،، أدبية ،، ثقافية ،، شعرية ��
ليست هناك تعليقات:
إرسال تعليق