« عدي الليل»
بقلم عبير حكيم
عدي الليل
بعد طول الانتظار
بكره جاي بيضحك
ضحكته زي الاطفال
شايل في ايده فاس
والتانيه فيها كراس
راسم خطاوي لسكته
أما سألته ايه سر ضحكته
قال العلم والعمل اساس
لازم تتفتح عقول الناس
يعرفوا أن حب بلادهم علي الراس
لو يوم تتعب تحت رجلها تكون مداس
اوعي تخون اوتسيبها تبكي يوم
تحت اقدامها جنه ماهي ام الدنيا
اوعي تفرط فيها وتسمع كلام يخليك تقسي عليها
فين العلم والحضاره كتب التاريخ ليكم اماره
ان مصر ده مناره
فاكرينها لقمه طريه تحلي بيها
ده عضمه قويه شوكها جامد الله عليها
يوم ماتقسي عليها تطردك برها
وابقي دور بقي عليها
روح بلاد وامشي في بلاد
عشان تعرف بقيمتها
ترجع علي الحدود
تبوس ترابها
انت فرد من ملايين
تحت ظلها عايشين
في حبها عاشقين
تكون مين ؟؟؟؟
عشان تتحكم فينا
تقول نكره مصر الغاليه علينا
ده حبها هو اللي بيروينا
عاشت مصر وعاش جيشها اللي بيحمينا
عبير حكيم
ليست هناك تعليقات:
إرسال تعليق