عنوان الزجلية : ولاد باب الله
خرجو سربة سربة
معولين على الصحبة
بحال حجر ركيك ف طرف الواد
بحال لفكيع النابت ف لجانب
يقلب على ظل الشجر
معنق الشوك ولقهر
ألمني لفكيع هشيش
مشتت ف زناقي
هانوه وعفسوه
بشلا عفاطي
ياويلي افينكم. . فين حنا
واش يلا ماتت الرحمة فينا
اش باقي. . اش باقي. .
تجمع لفكيع لمليوح
وقرر يغوت وبلا نوح
دارو لقلب ع لقلب
شبكو ليد ف ليد
هزو شعار واحد :
ماشي ولاد لحرام حنا
غلطة لكبار حنا
ولاد باب الله حنا
بقلمي سعيدة سرسار
ليست هناك تعليقات:
إرسال تعليق