ياريم جايي مجرّح وفزعانْ
متلْ الطريدْ يدقْ عابابي
بأحلام كنتْ مشرْد وغفلانْ
وعنين قَطّعْ كل البابي
فزّيتْ عالملهوف شوف الكان
وما عرفت يلي صار بغيابي
تاري الحزين مهستر وعشقان
وعلقان بين حروف كذّابي
عندو قلب مليان بالتحنان
تعلّق بوحش كبير بالغابي
ومن كتر حبو دايب وسكران
وجايي تيقرا شوي بكتابي
جاهل بإني محطّم وتلفان
خزقت الكتب ومحيت أتعابي
وماضل عندي غير هالنسيان
وحَرَّمّتْ أذكر إسم أحبابي
مجنون يلي بيعشق النسوان
بس الظبي بيستاهل نحابي
فتَحت ْالكرمْ بالجود والإحسان
وعملت منو عِزْ طلابي
وصار النجيب كتير شوفهمان
بصَّم دروس الحب غِيّابي
سلمان عمران
ليست هناك تعليقات:
إرسال تعليق