★مَكَاتيب★
يا ما كَتَبتلَك مكاتيب
عَمَلتلك دَوَاوِين يا أعَز حَبِيب
كُل ما أكْتِب حتى لو فى المَطَر بِيزِيد اللَهيب
وجِراح حُبي عُمرَها ما تِطيب
ماانت الجِراح وأنت الطبيب
كتبتلك كلام إعتبروه بالحب تَرحِيب
وناس تانيه قالوا دا تعذيب
وغِيرهُم قال الحُب أكاذيب
بيِسحَبَك لُه بالألاعيب
وأنا قُلتِلهُم دا للمشاعِر تَهذِيب
رُؤية الحبيب للنَظَر راحة زي زهرة التِيُوليب
كَلام الحُب بأسْمَعُه كأنه عَنْدَليب
رَب العِباد قال وَقت المَطر أنا للدُعاء مُجيب
بادعى دايما عَني فى يوم ما تِغِيب
وتِفضَل مِعايا ولِيا دايما قَريب
قادِر لدُعائي ربي يَستَجِيب
أفْضَل معاك وبقُربَك وبَرضو أكْتِبلَك مَكَاتيب.
بقلم
#هناءالغَمْرِي
.
ليست هناك تعليقات:
إرسال تعليق