مش غريبه الجدعنه
ياللي طول عمرك جدع
كل الشدايد أثبتت
إنك يا مصري
خيل أصيل ..
ومهما مالت كفتك
والفقر خانق خطوتك
بردوا لسه في المحن
قادر تشيل
ضربوا الودع
عملوا البدع
علشان تميل
وانت واقف رغم جرحك
اللي بينزف ألم
واقف وكاتم صرختك
ولسه بردوا بتبتسم
دايماً بتسخر م الألم
ومن الألم
دايماً بتضحك ع الوجع
ماهو مش غريبه الجدعنه
ياللي طول عمرك جدع
بقلمي علا فياله
ليست هناك تعليقات:
إرسال تعليق