الشاعر أحمد المؤذن

أهم من الهم
حضن الولد والضم
بين الضلوع يتلم
لساه غصن أخضر
حاوط عليه وأرعاه
متكونش متكبر
كل إللي فات ده كوم
واليوم كفانا اللوم
ده الفرقه صعبه يا قوم
والعمر بات في هموم
هتشوفه أمتي وفين
ده السن صام لسنين
وسط الحياه مساكين
في تلال ب حزن متين
اشتقنا مش أكتر
والبعد متقدر
وبكره مش مضمون
مين فينا بات ضامن
ده القلب متقدر
وعد وفيه راح أفوت
الشده تتكفن وتموت
ده الفرحه بنت بنوت
ونفسها تسكن في بيوت
ببراح وضله وتوت
يا عمر يا مخاوي أحلامنا وغناوي
وحضن بيداوي
أصل الولد بيحن
والأصل عمره ما حن
يا طريق ومتفصل للبعد متوصل
سيب الهوي يغلب تقصير ويتوصل
دور علي الأنساب ده الدم متأصل
والولد ابن يمين
مفطوم في قلبه حنين
والحب جواه العين ..
بقلمي
أحمد المؤذن