الخميس، 2 مايو 2019

الشاعر محمد الطيب

شوفتى
ياللى مليتى الأسية
وشوفتى إنى بكون عنيد
وان حبك هان عليا 
وإني ماسكك من حديد
شوفتى خوفى عليكى غيا
........................  ........
وشوفتى فيا حد قاسي مش حنين
وكنتى شايفة قسوتى  كأنى شايل بندقية
بس شوفتى حبى ليكى كان مبين
وشوفتى لما بغير عليكى بغير عليا
......................   .......
أنا اللى من جوايا بتمنالك كل خير
كنت جايلك جوا قلبى حب كل الدنيا ديا
شوفتى إيه منى غلط ؟
شوفتى حب كبير شوية ؟
....................  ........
إهتمامى بيكى شوفتيه كان عبط
بس عزفه زى عزف السمسمية
قولتى إنك حبيتينى حب عمره ما اتولد
ياما قولتي دا انت روحي ونور عينية
..................   .........
قولتي هتعيشي معايا للأبد
وإن عشقك بتعيشيه بلمسة إيديا
قولتلك يومها إنى ضهرك والسند
وفى النهاية تطلعى بتتسلى بيا
شوفتى
بقلمى / محمد الطيب

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)