حــــــوار🌼 مـــع القلــــم
------------------------
اللــــى انتوا عايزينه بكتبه
لــــــــو حتى من هلفـــوت
امــــــــدح واذم وأنـــــافق
وازور واغش وافـــــــوت
واخرتــــها ايه ؟ غلطه قلم
شفتــــــوشى دا الجبــروت
اكتــــب واكتــــب ولعلمكم
مع كـــــل سطر بمـــــوت
مانا زى كـــــل الخـلايىء
اخـــــرتها برضه المــوت
وقـــــــالوا ف الامثــــــال
اللـــــى يموت منين يفوت
------------------------
انا القــــلم والالــــم سكتى
والموت نصيبى ف دنيتى
انا القلــم اسطر كلام ربى
لكنــــــى عـــارف اخرتى
لايــوم امتنعت عن حرفى
ولا استغنيت الا ف يـــوم
................غــــــربتى
------------------------
اوعــــــك تفكــــر تحوش
كــــلام يكــــــــون أحسن
قلمــــى مالـوهش رموش
قلمـــــى مالوش غير سن
يمشى يخطـــط رتــــوش
يجـــــرى يخلــــص فــن
وبرضــــه يرسم هاموش
والله عليــــــه لو حــــــن
وبرضــه يمسك شاكوش
افعـــــــاله تشبه جـــــــن
----------------------
قلمــــى انحنى ظهــــــره
مــن بعد بعــــد مازاد قهره
وبعد ايـــام العــــز شاف بهـدله
رد وقــــال مش هيـــه دى المرجــله
كنت خـــــدامكم ف كـــــل كتـــاب ومجله
وبعـــــد ماجف المــــــداد ترمونى ف المزبـله
---------------------------------------------
🌼🌼🌼🌼الشاعر/ اسامه محمد على🌼🌼🌼
ليست هناك تعليقات:
إرسال تعليق