بتوحشينى
انا عايز اقولك انك بجد وحشتنى
جوايا ليك حجات كتير بتشدينى
رغم السنين .. لسه الحنين
بيشد فيا بيهزنى
""""
يسال سؤال ملهوش ردود
يا ترى فاكرين الوعود
يا ترى صاينين العهود
يا احلى حاجة ف الوجود
وحشتينى
"""""
يا ذكريات ماقدرتش انساها
اهرب سنين الاقينى جواها
فاكر خطاها ويا غناها
دقات قلوبنا .. ساعة غضبنا
كنتى قبل الكلام .. بتفهمينى
وحشتينى
""""
فاكرة الشوارع والدروب
نرفع عنينا للسما ساعة الغروب
مين اللى قال حبك خطيئة او هروب
حاولت اهرب ... ومين هرب من المكتوب
صدقينى .... بتوحشينى
""""""""
بتوحشينى ... لما بشوف الصور والقى عنيكى جت ف عينى
بتوحشينى .. لما افتكر بسمة شفيفك وانتى بيها بتغمرينى
بتوحشينى .. لما افتكر لمسة ايديكى فوق خدودى بتوسينى
بتوحشينى .. لما اختفيتى .. وانطفت فرحت سنينى
بتوحشينى ...... بتوحشينى
بكائيات سامى على عبد المنعم في 15/7/2018م
ليست هناك تعليقات:
إرسال تعليق