عشان طيبتك
___________
عشان طيبتك وحنيتك
وحبك اللي مالوش حد
عشان تملي انا ف حضنك
بحس امان لو العالم ده كله اتهد
عشان الدنيا دي بيتك
دفا ع طول ومافيهوش برد
عشان طيب ومتفاهم
مع غيري قاسي وحازم
ومعايا فــ نعومة الورد
عشان لو قلت حبيتك
تجاوبني بمليون رد
وعشان بنتك وتربيتك
دلالاك ليا زي الشهد
هوتني زي ما هويتك
ولا نقدر فــ يوم عــ البعد
وقلبي خلاص صبح بيتك
ولو هتنام تنام عــ الخد
بعت الدنيا وشريتك
وبينا يجي الفين وعد
وعشان انت اللي باقيلي
وسندي وضهري ودليلي
وواقف جنبي وقت الجد
وعشان وانا لسه ف الدنيا
حاسه اني فــ حياه تانيه
احساس فاق كل وصف وحد
بحبك حب مش عـ الارض
#ياسمين_عيود
ليست هناك تعليقات:
إرسال تعليق