سهران صامت ...!!!
والقمر مفجوع ... !!!؟؟؟؟
وجفوني ذبلت من دمعاتي ...
ما حدا عارف ...؟؟؟
شو سر هالموضوع ...
القمر متفاجئ من آهاتي ...
بيعرفني بسهر معه بكل خشوع ...
ت اكتب لها قصايد غزل بابياتي ...
لروح قلبي شو ضويت شموع ...
اشواق وعشق وحنين بكتاباتي ...
وانطر للفجر والشمس ع طلوع ...
بنور عينيها تشعشع عتماتي ...
صرخ قلبي وقال من الهوى موجوع ...
غابت روح قلبي عن عيني ونظراتي ...
مين الي حرم، بأية دين الحب ممنوع ...
و أية شريعة حللت آلامي و عذاباتي ...
تفرقوا قلبين راسهم بالشرف مرفوع ...
بأطهر علاقة حب حصلت بحياتي ...
من بعد الله ونبينا محمد و يسوع ...
بتحلف باسمي وبتوثق ب كلماتي ...
ع غيابها حاسس النفس مقطوع ...
انصهرت بروحي واندمجت بدماتي ...
ومهما صار عن حبك ما في رجوع ...
يا روح قلبي لأخر عمري حتى مماتي ...
بقلمي
علي عبد الكريم قاووق
حقوق النشر محفوظة
01/09/2018
ليست هناك تعليقات:
إرسال تعليق