أنا مبقتش بصدق حد
__________________
انا مبقتش بصدق حد
ولا بستنا لحد وعود
ضاع العمر وضاع احلامي
ولقيت أخرى طريق مسدود
بعد ماكنت مصدق نفسي
لاء وبسامح واعذر ناس
كنت مأمن ليهم عادي
وكنت شايفهم أغلى الناس
طلع الحب دا كدبه كبيرة
حاجه وملهاش اي أساس
الله يرحم زمن الطيبة
وزمن الحب والإخلاص
اللي اتغير واللي اتبدل
وموت فينا كتير احساس
بقت الدنيا بس مصالح
مش مرهونة بحب وخير
حاجه مجاملة زي الفيس
بس مجرد بوست وشير
زي زهور الزينة تشدك
لكن من غير روح ولا نبض
ولا هتحس بأي جميل
انا مبقتش بصدق حد
واتعلمت ياقلبي كتير 👋
#سامح_بلال
ليست هناك تعليقات:
إرسال تعليق