احلام بتموت
✍🏻✍🏻✍🏻✍🏻
احلام بتموت ,, مع جيل مكبوت
بصراخ ,, و سكوت ,,
و طفولة اتغير ملامحها
و متاهة جيم ,, و اللعب سليم
تلغي التفكير ,, و الصمت يعم
مع فتنة ساعات ,, بتريحنا
و طفولة بقت اشباه ,, الة
مافيهاش ,,, انسان ,,!!!
اصل المقصود ,, من دي الحالة
اننا بنخرج ,,, جيل هلكان
و ارجعوا بينا لأطفالنا زمان
انا و انت و هيه و اصحابنا
كنا بنلعب ,,, مع احبابنا
و الصورة بتتكرر ,, ادامنا
و بنحكي كتير عن احلامنا
و نلم اصحابنا ,, مع جيرانا
نسهر ماسكين فوانيس رمضان
مين فينا قدر ,, يربي ولاده
زي ما ف يوم اتربي زمان ,,,!!!
صدقني الغلطة ف بدايتها
كانت منك ,, كانت مني
انا عارف اني ,, كلامي قاسي
لكن اللي ف سني ,, هايفهمني ,,,!!!
✍🏻✍🏻✍🏻✍🏻✍🏻✍🏻✍🏻
بقلم الشاعر✍🏻 ياسر عبد الحميد
ليست هناك تعليقات:
إرسال تعليق