واشق ريق المر بكاسين صبر
وجرح طايب وشارخ الحلق
حبيت الصبيه وتقلتها مهر
لا حنت يوم ولا قلبها رق
من وانا بحبى بلحس ترابها
واحضن قميصها بين دراعينى
وارتجف حنين وانا ف محرابها
واحلف ما غير حضنك يراعينى
وانتى ليه الكره فى قلبك زارعينه
وبيسقوه من دموعى بحور وبحور
والضى خاصم حبيبك ولا زار عينه
يكونشى قلبك يا الحبيب مسحور
واكتبلك رسايل عشق فى اشعارى
واغازلك مره واتنين وعشره وميه
واغطيكى بكسوتى لوهعيش عارى
وعمال اكتب واكتب واتاريكى اميه
اااااه وااااه يا صبيه
التراب اللى لحسته وانا لسه عيل
دلوقتى بتسففهولى سف
بايعانى خرده وكيالك بيكيل
وبقميصك ياما غيرى اتلف
لكن بحبك وحبك فطره
حبك اللى ساقينى المرار
وف امسى ويومى وبكره
هفضل يا بلدى غريب الدار
مصطفى رشدى
ليست هناك تعليقات:
إرسال تعليق