الشاعر الدكتور مسعد الغنام

الأسعار ودمعة حزينه
كل مصرى فينا رحب بعد ثورة وانفتاح
والقلوب فرحت وقالت النعيم أصبح متاح
والهنا رفرف علينا والرخا هل و مد الجناح
لجل فرحة مصر تكبر والتعيس يصبح سعيد
وبصراحة رحت فى جولة اشترى بعض الحاجات
شفت أحوال الأسعار انتزعت منى الأهات
على اللى يبكى واللى يشكى واللى يطلع من سكات
شفت سلاطين الأسعار قلبهم كتلة حديد
البيه منهم يلاقى انفتح له ألف ألف باب
واللى من نوع الغلابة اه ياويله من العذاب
شفت كل ست بحسره والعجوز شعره شاب
ياللى ماسكين الأسعار بعد ميت مليون سلام
امنعوا الرفع شويه ومش هجرح فى الكلام
واسمحوا للفرد يعيش شويه بالحلال مش بالحرام
وامسحوا الدمعة الحزينة من وجوه كل الأنام
                مسعد الغنام
               15/7/2018