...رمضانيات..
شايف بقلبي بدور بتدور
ومﻻيكه بتحني مآذن
وجبهه ساجده كاسيها النور
والجنه حاضره ورضوان خازن
فرج السقا
.... مسحراتي الشعرا....
مسحراتي يامسلمين
مسحراتي قديم متين
مسحراتي..مسح.حاراتي
بنغم بياتي وكﻻم مرتب
وكمان ثمين
مسحراتي بطبلتي
بسهر واسحر حتتي
بكلام مغني له ألف معني
متل وحكمه للي سمعنا
رمضان اتانا قدر ومكانه
واللي جمعنا وطن ودين
رمضان كريم يامسلمين
ياعم هاشم حضر سحورك
ياواد يا يوسف قيد الفانوس
وانزل قوامك هات الزبادي
ياست نصره جيبي الغموس
صحصح ياسي احمد ومد ايدك
جيب القطايف والعرق سوس
..وكان باقي حبة قمر وتين
مسحراتي ساب الوساده
وجه يذكر بالصوم ياساده
رمضان دا أصلا شهر العباده
رمضان دا عاوز صبر واراده
رمضان بيكره طبع البلاده
وكتير بيعشق القوامين
رمضان كريم يامسلمين
........
مسحراتي؟! لكن عجوز
كاتب وقاري مش اراجوز
شاعر قراري وحروفي سابقه
بتمني يعني لو اني ابقي
داخل مسابقه؟! وبيها افوز
..............
مسحراتي حزني دفين
م اللي جري لي من ثورتين
احزان وفرقه والم ودين
لكني عاااايش
وولسه بكتب
وانظم واركب
كلام مرتب يامسلمين
وساعت بهاتي
واجدل أهاتي
و نهنهاتي في احبال انين
وساعات.ساعات!!
بكتب حاجات
تقول أيات؟!
لكن لمين؟!
لله يازمري
ضيعت عمري
محتار في امري
اوثق في مين
وبردو لسه
بقدر اجامل
وبردو لسه
في الحب أمل
ولسه عاااامل
عم الامين
فرج السقا
رمضانيات 2ب
بستان ايمانك طرح
تقوي ومحبه ونور
درج المنابر فرح
بمﻻيكه ساجده وحور
فرج
..رمضانيات 3ت
تايب ونادم وآيب
وجايلك يانور الوجود
تجبرلي قلبي اللي دايب
وبنظره منك تجود
فرج
..رمضانيات...4ث
ثابت علي ملتي
قابض علي ديني
قلبي دواه قبلتي
روحي فدي ديني
سعيد انا بقسمتي
وعقلي .فداديني
فرج السقا
.
.... رمضانيات..ج 5
جمال جميلك آسرني
ومطيب جروح الروح
يارب شهرك شاعرني
في الجنه بغدو . وبروح
فرج
2 رمضانيات5ج
جامع وزينه ومآزن
وندا بحي علي الفلاح
قوم يللا لبي وآمن
واسلك طريق الصﻻح
فرج 2
...رمضانيات..6ج
حاول تصالح دنيتك وترضي بالمكتوب
ومهما قست الحياه وليلك صبح حالك
اياك تهاود شيطانك وتعيشها بالمقلوب
ربك دا. رب قلوب وبأيده صﻻح حالك
فرج السقا
....رمضانية امس 6خ
خيرك جماله انبدر
بركه.محبه.حنان
زهزه قلوب البشر
بالتقوي والاحسان
.... رمضانيات..9ذ
ذئب المقابر هجم
سيطر علي الغنمات
نصره كتير م البجم
واللي وقفه له؟! مات
فرج السقا
9رمضان
....رمضانيات...10ر
رب الخلايق منح
يوم عشره من رمضان
نصر وشهاده وفرح
شطبت سنين احزان
قلب العروبه انشرح
بدموع في عين ديان
....رمضانيات..10ر
ردد في قلبك مصر
واحمي غيطانها م البوار
وازرع بذور الصبر
تجني تقاوي اﻻنتصار
فرج السقا
...رمضانيات..12س
سماوات وارض وفضا
وخلق وشجر ونجوم
وقدر وقسمه وقضا
وفقد وميﻻد ..وعلوم
مين اللي خلق كل دا
غير خالق اله معلوم
فرج السقا
رمضانيات13ش
شروق مروجك حﻻ
كل الوجود بالنور
عطاء ايدينك مﻻ
قلب الفقير بسرور
بدور بتمﻻ الفلا
فﻻ عايز وﻻ معزور
فرج السقا
...رمضانيات.
صباح جبينك ندي
طارح زهور وبدور
بيشع تقوي وهدي
وموضياه.... بالنور
فرج السقا
..رمضانيات.
ضلال قلبك ونسيانه
في بعدك عن طريق الله
رضاه في رضاك .لغلبانه.
وبالصدقه بتحيي حياااه
فرج السقا
..رمضانيات..
صابر وقانع وراضي
وأصلي .وابن اصول
معلم وصاحب ايادي
وبكتب كﻻم معقول
وبعرف اسامح واراضي
وع اللي يعاديني .بغووول
فرج السقا
... رمضانيات..ط16
طهر بطون اسرتك
من كل لقمه حرام
واعمل حساب اخرتك
واحرص من الايام
وافتح بيبان جنتك
بالرفق بالايتام
فرج السقا
رمضانيات
ظهور زهورك بدي
يزين زينات رمضان
بتقوي ومحبه وهدي
و..وشوش كاسيها ايمان
وقلوب جناين رضا
طارحه زكا.. واحسان
فرج السقا
..رمضانيات..
عمرك ماتركن للغوايه
وامشيها دايما بالأصول
دا لكل اول نهايه
ولكل نجم افول
فرج السقا
..
....رمضانيات...
..تركيييييز..
غزل عزولي.في غزله
كان قصده يصطاد غزالي
قوم...قام غزالي ونازله
وخزاه غزالي..وغزي لي
فرج السقا
.
....رمضانيات...
غزل عزولي.في غزله
كان قصده يصطاد غزالي
قوم...قام غزالي ونازله
وخزاه غزالي..وغزي لي
فرج السقا
من ابدع مربعات فن الواو
.......رمضانيان...
فاتت سنين عمري انا
ريشه في مهب الريح
واتسرقت سنين عمرنا
كشمعه في لهيب بتسيح
فرج السقا
..... رمضانيات...
قلمي الضعيف انحني
من كتر كلمة ﻵ
محتار وخايف انا
لوقلت كلمة حق
مش جبن وﻻ مسكنه
لكن....هو فين الحق
فرج السقا
رمضانيات
كبر الولد ..واتولد
من قال له ياجدو
ذكري.وعزوه وسند
ومين في البلد قدو
فرج السقا
رمضانيات
كبر الصبي (والسبي)
واتنمرد علي سيده
نسي ماضيه ..الغبي
وفكر قرشه هيفيده
مش كل مقرش غني
والعبد.امتي اشتري سيده؟!
فرج السقا
..رمضانيات..
ﻻيق عليك الشيب
وانت عليه ﻻيق
معلم.. وشاعر اديب
وطول عمرك ولد عايق
عشري..وحشري...وحبييييب
ولصنف ال...... عاشق
( جمال )
بقلمي فرج السقا
رمضانيات
قلبي الصغير صبي
واخضر ولسه شباب
طيب. وعندي. وابي
وف عشقه المتيم دااب
هو حرام والنبي
اتمعشق واعيشها شباب
فرج
..رمضانيات..
موسي كليم الله
عيسي المسيح كلمته
ونبينا بن عبد الله
مفاتيح بيبان جنته
مالناش اله... الاااااه
كل البشر صنعته
وماليش اعيش لسواه
ربي...!؟ الوجود .قبضته
فرج السقا
رمضانيات مصريه
نوار زرعتك.آني
ونبضة قلبك الحاني
وتر عودي والحاني
وانا الراوي وانا الزارع
وانا اللي لزرعتك جاني
وانا المرمي في ارض الغير
اجير لكفيل وسعودها
وارضي وبلدي بايعاني
وانا الشغال بقوت يومي
وانا المتغطي بهمومي
ولو جيت لك ومره شكيت
تقولي دا انت نور عيني
وانا الميت في ميادينك
وانا الوارث تقيل دينك
يابلدي فينها ملايينك
يامصر. نظره لمساكينك
بلاش تسني سكاكينك
علي الفقرا وع الاجرا
وعلي سافر .للقمه عيش
يامصر دا احنا اللي شايلينك
ووقت الشده حاميينك
وعرقنا ..وبحر الدم
يهون..يرخص..ونفديكي
وكل املنا نعيش فيكي
بعزه.وكرامه.. وبني آدمين
فرج السقا
.رمضانيات .
هاجر بقلبك لربك
وتاجر معاه تكسب
يبارك ربنا في سعيك
وتلقي الوجود ارحب
وصافي..الصافي. من قلبك
وبالعاني والفقير(مرحب) اي رحب به
فرج السقا
ليست هناك تعليقات:
إرسال تعليق