الشاعرة بتول عبد المعز

على عودى شكا عودى
وقال عودى ليالى
الفرح هنا ليه
على عينى بكت عينى
وحر الدمع دوا عينيه
ودنيا صرت اشكيها
اتاريها بتهوى الجرح
كدا فيه
مقدر ليا اهواكم
وهواكم يكون لغيرى
مش ليه
وأنا باخشى للقياكم
يكون سارح
كما الميه
يطول العمر وأنا وحدى
لأهه خارجة مكوية
وامتى الاقى مرساكم
بتنده لى بحنية
اعيش أنا وانتوا فى سماكم
وعش الطير سكن ليه
واقول يا دنيا اخرتها
اغانى الفرح اكيد جاية
على عودى شكا عودى
وقال عودى ليالى
الفرح هنا ليه
#بتول عبد المعز