الشاعرة نعيمة رحيمي

خروف العيد
قرب العيد ياإخواتي
ومعنديش ثمن الأضحية
أنا قلت أعيد على فرخة
وأفرح الواد والبنية
ماهي الماهية مش مكفياني
أأكل العيال جبنة وعيش حاف
أجيب منين أنايا إخواتي
وثمن الأضحية بالآلاف
العيال نفسهم في خروف
وأنا كل سنة أقولهم السنة الجاية
ماهو الجيب خال من المصروف
والماهية مش ملاحقة الماهية
بيقولوا يابابا هاتلينا خروف
نزينوه زي خروف الجيران
نحط على قرونوا شرايط
ملونة ألوان وألوان
أجيب منين أنا خروف
وأضحي بيه يوم العيد
مصاريف الدراسة قربت
ماهوبعد العيد لازم لبس جديد
شنط وكشاكيل وبنطلونات
وأنا يارب على الحديد
بدل الشغلنة أشتغلتي شغلتين
ومش ملاحق عالمصايف
طلبات البيت مبتخلصش
وأنا عايش بحد السيف
مكفاية علي فرخة
وأوفرشوي علي التكاليف
نعيمة رحيمي